Urte askotako altxorra

Lau urte badira gure lehen urratsetik. Egia esan ezer gutxi dirudien arren, esperientziak, bilkurak, une ederrak milaka izan ditugu, eta ez soilik naturguneetan. Ordea, gure ibilbidea hasi aurretik izan dira ere Gipuzkoako mendietatik ibili diren ezgaitasunak dituzten pertsona ugari. Izan ere, 2017an Miguel Angel Gomezekin Irimora igotzen ari ginela, Juanjo Odriozolak bi urte lehenago tontor berdinera familiarekin eginiko “espedizioa”ren pasadizoa gogora ekarri zigun. Antza nahikoa izan zuten familiarren artean aulki bat eta bi makil erabiltzea. Ehun-gai enpresa ospetsu baten zioak dioen moduan, “non gogoa, han zangoa”. Eta horrelaxe egin zuten gogo biziz.

Beste adibide bat aipatzekotan ere Aitor Garziarena bera dugu. Berastegin hazitako irundar honek, 90. hamarkadan, harat eta honat herri honen mendi inguruetan ibilitakoa da. Egun, Aitorrek naturaltasunez aipatzen ditu bere une gogoangarri horiek, baina guretzat, altxor eder eta ispiragarri moduko bat da hori entzutea.

Horregatik, gure asmoa, beti izan da naturatik haratago, pertsona bera ezagutzea. Soilik modu horretara, eta beraiek eskatuta, erraztu ditzakegu ibilbide bat edo beste; baina beti pertsona horri erabakia libre uztea da kontua. Horrek egiten du bidea miresgarri. Eta Egia da, honek denbora dakarrela, baina ebaki bat, kafetegi bat, une goxo bat dagoen tokian… sentimenduzko altxorrak mila.