Pauso bat gehiago

Natura bada askoren esku dagoen gauzarik osasuntsuenetakoa. Aldiz, bada oztopoak direla, aukerak direla, hau laztandu ez duenik. Bada ere hau utopikotzat hartzen duenik; edota bertan egotea, hau bera usaintzea, sentitzea, ezezaguna egiten zaionik; eta azken talde honetan sartuko genituzke Ana eta Txema. Orain artean, natura urruneko lurralde gisa hartzen zuten, oso zeharka ukitutako lurraldea. Baina ingurukoak izanik, eta Guadalupe hain maitatua izanik, zer gutxiago itsaslabarretik gertuko ibilaldia egin eta bertako kondairei zentzua ematea baino. Egia da, normaltasunetik urrun daudela, baina bada lehen pausoa beraientzat. Lehen pausoa naturaren mundua ezagutzeko, lehen pausua bikote bezala gauza berriak ezagutzeko, lehen pausua beraien eskubidearen zati txiki bat bermatua dagoela ikusteko. Eta gu, beraien esperientzia berri honen parte izateak malkoak azalarazten dizkigu. Askotan ez dakigu benetan zer nolako altxorrak topatuko ditugun, baina sentsazioak bor-bor daudenean… ezin azaldu. Eskerrik asko Bikinga eta Erromatarrari umiltasunez beteriko indar hau eskaintzeagatik.