Natura eta bertsolaritza
14:32
Bada natura eta bertsolaritzaren arteko ahaidetza. Musika,
freskotasuna,… eta guztia bat-batekotasunaren altxorrean murgilduta. Horra
naturaren misterioa eta horra bertsolaritzaren muina. Egia da bertso doinuen
baitan “plaza”ren, solasaldiaren beharra beti izan dela; baina naturaren
tankeran testuinguruak esaten dionari erantzun behar dio.
Hau kontuan izanik,
eta Xoxoteko bideari ekinez, Joxe Aguirre datorkigu gogora, Izarraitzeko bertsolari
xume handia. Mendi magal honetan jaio eta hazitakoa; eta pago eta ardi artean
zebiltzala, naturaren gisan, bat-batekotasunari ekiten zion franko. Hortik bere
baserri preziatuari (Oranda Behekoa) eginiko bertsoa:
Oranda deitzan Izarraizpeko
baserri arlote baten,
halabeharrez guraso onak
mundura sortu ninduten.
Orain arteko bizimodua
hor ari naiz eramaten,
ta aurrerantz ere baztertutzeko
gogorik ez dit ematen…
Ez dakit nire seme-alabak
nik hainbat maiteko duten.
Gai jartzailea: Patxi Barbero
Gaia: “Non
jaio zinen zu?”.
Zarautzen, 1975ean.
Natura, askotan, ikusten dugun horrekin erlazionatu izan dugula uste dugu,
baina naturak, kultura ere ekarri duela ziur gara.
0 Iritzi