Lehen urratsak
03:26
Naturak beti
argiztatu gaitu. Bertan izan den edonor, oharkabean, bere lehen pausotaz mintzo
da. Eta gogorapen horiek dira antzeko espereintziak izateko nahiaren funtsa.
Horregatik hauek egokiak badira, bueltatzeko nahia ere piztu egiten da. Aldiz,
hastapen horiek modu ezkorrean biziz gero errefusen eremua pizten da. Horregatik,
esperientzia mota hauek eskaintzen direnean gure lana kontuarekin egitea
ezinbestekoa da. Egia da hainbat hirumilakoetara igo gaitezkela, egia da inoiz
pentsaturiko maratoiak egin daitezkeela… baina errefusaren portzentaia oso
altua lirateke. Eta jakinik Gurpiltrek by Kemen osatzen dugunon artean natura
eta konpetizioa bat ez datozela… Hori guztia jakinik, garrantzitsua iruditzen
zaigu lehen pausuak lan gehiegi suposatzen ez duen txango baten bidez apurtzea.
Mendi txiki eta handi ugari daude inguruan. Baina gutxi dira pasioaren abanikoa
irekitzen dutenak eta horietara bideratzea da gure helburua.
Gipuzkoako mendia
den Aldurak, ez du inongo zailtasunik. Egia da bere aldapatxoa baduela, baina
bidea edonorentzat bideragarria da eta emaitza ezinhobea. Naturara bueltatzeko
gogoa ematen duen txokoa dugu. Eta gure kasuan, gure txoko kuttuna; berdez
jantzitako txoko kuttuna; itsasoa eta aurrepirineoaren arteko txoko kuttuna.
Horregatik, gure lurraldea ezagutu nahi duenarentzat, portlanezko
errepideetatik haratago dagoen altxorra ezagutu nahi duenarentzat, hamar, ehun,
mila aldiz gomendatuko genioke txoko hau. Bertatik Aurrera, mundo oso bat dago
gure zai.
0 Iritzi