Berunezko aurrerapauso bat
00:00
Pandemiaren lahar artean ibili eta gero, pixkana normalizazio
berrirantz goazela dirudi. Birusa hilobiratu ez dugula ondotxo dakigu. Baina alboan
dugun alerta horrekin ibiltzen ikasi behar dugu beldurrak jan ez gaitzan. Honekiko
dugun kudeaketa zuzentzen joan behar dugu eszenatoki beraren aurrean zuhur
jokatzeko eta horretarako pauso bakoitza noiz eta nola ematen den ikustea
nahitaezkoa da nahiz eta hasieran guztizko modu kontzientean egin. Denborak eta
praktikak zorrozki arrazionala den izaera, oharkabekoa eta naturala bilakatuko
du.
Hausnarketa hau kontuan izanik, berunezko pausoak ematea
garrantzitsua dela iruditzen zaigu baina bideari ekin gabe. Natura gure parte
da, eta hau partekatzea beti egongo da gure helburuaren baitan. Aldiz, bide
horretara itzultzeko mantu berdea laztantzeaz gain segurtasuna bermatzen diren egoerak
eraikitzea ezinbestekoa da. Soilik modu horretara gure nahia lortzeko mailara
iritsi gaitezke. Egun, federatua izateagatik, eta beti segurtasun protokoloak
mantenduz, lurralde historikoaren ibilbide sarean ibili gaitezke. Hau jakinik, atzeratuta
geneuzkan bidezidorrak arakatzeko lana hasiko gara. Esan beharra dago irteerei
txanda emango diegula soilik baimena esku artean dugunean eta egoera guztiak ondo
aztertuta babes neurri guztiak bermatuta ditugunean. Bien bitartean, bidezidor
ezberdinak lagun izanik hau proiektatzen joatea aurrerapauso bat da.
0 Iritzi