Ramonekin egora ikaragarriak partekatzen

- Mendira joaten. Bada jendea laguntza behar duena zu eta ni bezala mendira joateko, eta horretan ari dira.

 

Gaur Aldurako bidean ginela, Ramon bidelagun izanik, hitz hauek entzun ditugu zeharka. Egia esan, agurra soilik partekatu dugu. Baina hitz hauek entzutean bada gure barrenean piztu den emozio bat; poza. Ez dira urte asko mendi irisgarriaren filosofia piztu zenetik. Aldiz, bada besteengan iristen ari den zerbait, eta dena delako hori ondo iristen ari dela ikusten ari gara. Gu, beste hainbat talde askoren tankeran, pertsona oro, mendira joateko, natura ukitzeko, usaitzeko eskubide hori bermatu nahi izaten dugu eta horretarako zer hobeto gauzak naturaltasunez egitea baino. Baina honi Ramon bezalako bizitasun handiko pertsona bat gehitzen badiogu esperientzi harrigarri batean bilakatzen da. Aurrez-aurre, Donostialdea eta Bidasoako kostaldea, bat eginda, eguzki izpiak eta marraztuak diruditen lainoak gainaldean dutela. Eta horri, heldu eta haur baten arteko elkarrizketa gehituz… indarberrituta eta puztuta goaz etxera. Eskerrik asko familia, eta bereziki eskerrik asko Ramon. Zuri esker gauza polit hauek bizitzen laguntzeagatik.