Ikazkin baten ideiak
14:25
Badira
urte asko istorio hau gertatu zela. Modu nahasian iritsi zen hain iluna den erdi
aro goiztiarrera. Xume eta paganoa zena nahasmena ekarri duen ezkutuko
esanahiez beteriko istorioan geratu zen. Gaurkoan berriz, hainbat dokumentu eta
abestiek dioten memoria apalera hurbiltzen saiatuko gara.
Gure
lurralde menditsu honen baster batean, paganismoa zibilizazioak baztertzen zuen
unetan, bazen bakarrik bizitzen zen ikazkin bat. Ikazkin honek gogor lan egiten
zuen ikatza egiteko. Baina garai haietan beste ikazkin bat besterik ez zen; jan
urriak apreziatzen eta sagar fermentuaren zukua, hots garaiko sagardoa edo
ardoa ere zeritzona, gustoko zuen ikazkin bat besterik ez. Bere lana hain gogorra
zen non sabelean sartutako guztia ontzat hartzen zituela. Gainera hau amalurrak
eskainia baldin bazen are gehiago. Aldiz, bere bakardadeak eta bere lan
krudelak zurrutero eta ziztrinaren ospea eman zioten. Edozelan ere, ikazkin
honek negu gorriak eta Kixmiz ezaguna zen garai latzak zetozela ikusita, ikatza
Nola edo hala denei banatzen saiatzen zen. Baina bazen ezin ordain zezakeenik
eta honen aurrean behartsu hauei ezeren truk hau ere errazten zion. Horrela egin
izan zuen urte askotan, nahiz eta izerdi horren truk ezer gutxi ikusi. Ordea,
apurka eginiko lan horrek bere fruituak jaso zituen eginikoa kondaira bihurtuz.
Eta nahiz urteen poderioz aldaketa ugari jasan, mezua bere horretan dirau.
Edozein izanik ere, ordainean ezer jaso gabe ere, norberak bere ogi koskorra jar dezala, bizitza partekatzea eta errazagoa egitea baita.
Hau
hala izanik:
GABON GAU ZORIONTSUA IZAN DEZAZUEN OPA DIZUEGU!
Edozein izanik ere, ordainean ezer jaso gabe ere, norberak bere ogi koskorra jar dezala, bizitza partekatzea eta errazagoa egitea baita.
GABON GAU ZORIONTSUA IZAN DEZAZUEN OPA DIZUEGU!
0 Iritzi