Andoni naiz
13:42
Andoni naiz, gaztetxo nintzenetik mendia eta paraje
naturalak gustatu zaizkit. Gaztetan mendiaz gozatu dut paisaiengatik eta
naturarekiko kontaktuagatik. Gaixotasunak aurrera egin ahala, mendira joateari
utzi behar izan nion, hogei urte bete berritan. Ordutik, paisaiez gozatu dut
errepidetik, mendateetatik, igoerako edozein begiratokitatik. Orain nire
gurpil-aulki elektrikoarekin, bidegorriren batean edo zementuzko pistaren
batean zehar, hirigunetik aldentzen naiz naturarekin topo egiteko, zuhaitzez
gozatzeko eta mendiak behatzeko. Pixkanaka zati bat bestearen atzetik kentzen
ari gatzaizkion natura, inguratuz, etxekotuz, eta gero eta urrunago dagoena.
Baina gauza bat da hurbiltzea eta natura behatzea, eta beste gauza bat da
naturan barneratzea, eta orain mendiko aulkian eraman nauten pertsona bikain
horiei esker bizi ahal izan dut esperientzia hau. Aldura mendian eta inguruetan
eginiko txango egun zoragarria, beti gogoan izango dudana, nire motxilarentzako
beste oroitzapen bat.
Euskal Mendizale Federazioko facebook orritik aterata.
0 Iritzi