Eskerrik asko Miguel Angel!
13:44
Ingurune industrialaren aurrean altzairuaren kolpe jarraiak
ahazten dituzten txokoak ezkutatzen dira. Natura ixiltasun xuxurlaz errebelatzen
da gure barnea lasaituaz. Iparragirrek berak, hots Urretxuko bardoa zenak,
herri inguruan ezkutatzen den sosegu hori ere nabarituko zuen. Eta hori bera,
oraindik hein batean, badirau.
Gaur, nahiz hotza eta elur pixka bat egin izan, fantasia
zirudien amets bat bete ahal izan dugu non lurra inoiz ez bezala bere azal
berdea azaldu duen giro berezi eta ikaragarria sortuaz.
Gaur, orain gutxi hildako lagun zahar baten ekintza
gogoangarria gogora ekarri dugu. Zailtasunak zailtasun zendutako kamarada hau
bera izan zen lehenengoa bere gertukoekin gailur hau zapaldu zuena.
Gaur munduari erakusten diogu ezgaitasun guztien gainetik
amesteko gaitasun handia beharrezkoa dela. Soilik ahal (ez) den hori desiratu
behar dugu
Horregatik gaur bizitzak emandako opariririk handiena
emateagatik, hots zure ametsa zure alboan betetzeagatik, Miguel Angel
bihotz-bihotzez eskerrak eman nahi dizkizugu.
0 Iritzi