Olatz eta jentilak
00:00
Jentil bat harri bat eskuan duela. Hiru.eusen topaturiko marrazkia |
Alabak aitari:
- Aita ¿zer da jentila?
Aita, Mutrikuko Olatz auzoan kokaturiko ermitaren aurrean, gizon
sendo eta handia izanik, 6 bat urteko bere alabari istorio txiki bat kontatzen
hasten zaio:
- Zenbatetan
pasako ginen gure herritik gertu dagoen itsas-ondoko Amill harri aurretik. Antza,
esan ohi da, inor baino lehenago lur eremu hauetan bizitako gure arbasoak, handi
eta indartsuak izanik, haitz horrekin pelotan egongo balira jolasten zutela. Behin,
ostiko ederra eman eta Arno menditik orain dagoen lekuraino bidali omen zutela
diote.
Bada ere beste istorio bat. Antza,
behin, Arnotik harri handi bat Antzuitza baserrira erortzen ari zela, jentil
batek ukondoakin geldiarazi zuen. Aldiz, egun harri hori ezin ikusi, bere
garaian erditik kentzea pentsatu baitzuten.
Alaba harrituta:
- Orduan, onak al ziren?
Aitaren erantzuna asko harritu ninduen oso polita izan
baitzen.
- Jentilak zu eta ni bezalako pertsonak dira. Hauek langile
prestuak eta amalurrak eman eta kentzen dion gauzetan sinisten dute. Ordea,
badira baserritar gutxi batzuen gauzak direla esaten dutenak non alboratzeaz
gain, hauei iseka egin eta istorio ankerrak kontatzen dizkie beraien
seme-alabei ezezaguna den horri beldurra izan diezaioten. Honek, istorio
harrigarriak eta larritasunez beterikoak sortzea ekarri du; eta biziguneetatik urrun
bizi diren pertsona horien kontrako beldurra areagotzea ere lortu dute.
Alaba bere kezka azalduaz:
- Bai pena. Bakarrik bizitzeaz gain…
Aitak:
- Egia esan penitentzia ederra dute. Baina pentsa, jentilak
oso sensibleak izateaz gain benetan oso pertsona zoragarriak direla; horra
Olentzero.
Alabak irrifarre egin du eta ibiltzeari ekin diote.
Ni ene bokadilloa eskuetan dudala eserita jarraitzen dut. Txangoa
ederra izan da baina entzundakoa are ederragoa.
0 Iritzi